Станислав Черчесов футболшы кезінде «Спартак» (Орджоникидзе), «Спартак» (Мәскеу), «Локомотив» (Мәскеу) және «Динамо» (Дрезден) сияқты клубтарда ойнаған. Ол Ресейдің «Спартак» (Мәскеу), «Жемчужина», «Терек», «Амкар», «Динамо» (Мәскеу) сынды командаларында жаттықтырушы болып жұмыс істеген.
Бұдан бөлек Ресей құрамасын, Польшаның «Легиясын», Мажарстанның «Ференцварошын» басқарды.
Бапкерлік мансабындағы жетістіктері:
Ресей чемпионатының күміс жүлдегері (2007);
Польша чемпионы (2015/16);
Польша кубогының жеңімпазы (2015/16);
2018 жылғы әлем чемпионатының 1/4 финалы (Ресей құрамасымен);
Мажарстан чемпионы (2021/22, 2022/23);
Мажарстан кубогының иегері (2021/22).
Естеріңізге сала кетейік, осыған дейін ұлттық құраманы жаттықтырған Магомед Адиев қызметінен кеткен еді. Ол мұндай шешімді отбасылық жағдайына байланысты қабылдағанын айтқан болатын.
