Тазарту жұмыстарында тәулігіне 40-қа жуық адам және түрлі техника жұмыс істейді. Бұндай шешім органдармен жағалаудың тазалығын қолға алу үшін қабылданған. Жергілікті тұрғындар жағалаудың ластығына наразы. Әкімдіктің айтуы бойынша, туристер шомылып, күнге қыздырынатын жағалаудың 300 метрдей жері күн сайын және кезең-кезеңімен тазартылады.
Ақтау қаласының тұрғын үй-коммуналдық шаруашылық бөлімінің басшысы Әнуар Туляков: “Жағалаудағы жатқан балшықтар туралы айта келсем, бұл табиғи үдеріс. Алайда, оған қарамастан, біздің қызметкерлер тырмалар арқылы тазалайды. Бүгінгі таңда 40 тоннаға жуық балшық тасымалданған. Бұл жұмыс 3 күн қатарынан жүргізіліп жатыр. Бізде бұл балшықты өңдейтін полигон бар, ол Мұнайлы ауданында орналасқан.”
