Айсұлу Жүнісбек бұл күнде Б.Тоқтықожа ұлы атындағы орта мектептің 10 сыныбында оқиды. Ол 8 сыныптан бастап айтысып келеді. «Жыр алыбы — Жамбылым» атты аудандық оқушылар айтысының бас жүлдесін 2019 жылы иеленсе, 2020 жылы «Жыр алыбы — Жамбылым» атты облыстық оқушылар айтысында жүлделі бірінші орынды жеңіп алды. 2021 жылы да дәл осы жыр додасында бірінші орынды иеленсе, онлайн түрде өткен республикалық оқушылар айтысының жүлделі үшінші орыннан көрінді. Биыл Жамбыл ауданында өткен «Адалдық – асыл қасиет» атты облысаралық оқушылар айтысында екінші орынға қол жеткізді. Айсұлудың алдағы уақытта да айтыстың биік белестерінен көріне беретініне сенімдіміз. «Менің айтыстағы ұстазым белгілі айтыскер Есет Досалы. Ол кісінің маған үйреткені көп. Алдағы уақытта да сенім үдесінен шыға бергім келеді» дейді оқушы айтыскер. Айсұлудың атасы Жүнісбек Оспанбеков осы Аққұм ауылында ұзақ жыл мектеп директоры болған. Ол да ұрпағының айтысты серік еткеніне қуанышты.
