Бұлар: Шығыс Қазақстан және Қарағанды облыстары. Екі аймақ 699,9 млрд теңге сомасына 28 жобамен көш басында тұр.
Шығыс Қазақстанда 469,7 млрд теңге сомасы құрайтын инвестиция көлемімен 14 жоба енгізу жоспарланып отыр. Қарағанды облысында 230,2 млрд теңге инвестициямен 14 жоба іске қосылады, — деді Индустрия және инфрақұрылымдық даму министрі.
Министр сондай-ақ қырүйектегі жағдай бойынша жалпы сомасы 296 млрд теңгеге 28 жоба эксплуатацияға енгізілгенін айтты. Нәтижесінде 3,5 мыңнан астам тұрақты жұмыс орны құрылған.
Жобалардың дайындығы 80%-дан жоғары деңгейде 9 өңірде байқалып отыр. 6 аймақта іске асырудың қарқыны орташа. 2 аймақта – Қызылорда және Алматы облыстарында жобаларды эксплуатауияға енгізу 75% және 72% деңгеймен артта қалып отыр. 3,4 млрд теңгеге Нұр-Сұлтан және 8,2 млрд теңгеге Алматы қалаларындағы индустриялдық жобаларға салынатын инвестиция көлемі олардың экономикасының арақатынасынан аз болып табылады, — деді министр өз сөзінде.
Сондай-ақ ол Ақмола облысында 2020 жылы 42 млрд теңгеден 2021 жылы 3,9 млрд теңгеге дейін жобаларға инвестицияны 10 есе төмендету байқалғанын алға тартты.
