Сондай-ақ, Ақбұлым ауылындағы Жібек жолы, Дербіс болыс көшелеріне түнгі жарық жүргізіліп, түн ішінде де бұл көшелер самаладай жарқырап тұр. Мұндай қамқорлыққа ақбұлымдықтар дән риза. «Мен Дербіс болыс көшесінің тұрғынымын. Бұрын кеш батса болды, тас қараңғылық орнайтын. Қазір жарық шамдары қойылып, көзіміз ашылып қалды. Түнде көшелеріміз самаладай жап-жарық. Мұндай жақсылық, қолдауларға әрине, дән ризамыз» дейді ауыл тұрғыны Доғдырхан Бөрібаев.
