Белгілі болғандай, сатып алушы ретінде әйел адам зергерлік бұйымдарды тағып көріп, алушы клиенттердің көптігін пайдаланып, алтын зергерлік бұйымдарды кәдімгі әшекей бұйымдарға ауыстырып әкеткен. Жалпы шығын көлемі 469 000 теңгені құрайды.
Дәл осылайша күдікті әйел қаланың тағы бір зергерлік дүкенінде 49 жастағы дүкен иесінің назарын басқа жаққа аударып, осындай қылмыс жасаған. Келтірілген залал көлемі — 300 000 теңге.
Аталған қылмыс деректері бойынша ұрлық жасау бабымен сотқа дейінгі тергеу амалдары басталды.
Жедел-іздестіру іс — шаралары барысында полиция қызметкерлері бейнебақылау камераларының көмегімен күдікті әйелді, яғни облыс орталығының 38 жастағы тұрғынын анықтады.
Күдікті өз кінәсін толық мойындады, тергеу амалдары жалғасуда.
Фото: Костанайские новости
