Бұл оқиға бойынша «QazaqGaz Aimaq» АҚ баспасөз қызметі «СантехКомплектГрупп» ЖШС мердігерлік ұйымы орындаушы жаңадан салынған жерасты газ құбырындағы қысымды сығымдау жұмыстарын жүргізу кезінде газдың ауаға тарағанын айтты.
Яғни, «QazaqGaz Aimaq» АҚ Қоғаммен байланыс және интеграцияланған менеджмент жүйесі департаменті 16 шілдеде Алматы қаласының Бостандық ауданында жерасты газ құбырын қайта жаңарту жұмыстарын жүргізу кезінде болған газ жарылысына не түрткі болғанын айтып берді.
Олардың айтуынша Алматыда газбен жабдықтау жүйесіне ақау келмеген, газ штаттық режимде беріліп жатыр.
Алдын ала жасалған болжам бойынша, оқыс оқиғаға құбырдың көзге көрінбейтін өндірістік ақауы түрткі болуы мүмкін, яғни диаметрі 426 мм тік тігісті құбырдың зауыттық тігісі бойындағы ақаулығы.
— Тұрғындардың қауіпсіздігі біз үшін сөзсіз бірінші басымдық беретін жайт болып табылады. Біз дереу әрекет етіп, оқиға орнын қоршауға алып, алғашқы тексеруді жүргіздік. Газбен жабдықтау желісінде бұзылыстар, қауіп жоқ. Мердігер ұйым келтірілген залалды өтеуді өз мойнына алады. Әлеуметтік бағдарланған компания ретінде біз «QazaqGaz Aimaq» АҚ аталған жайтты өз бақылауымызда ұстаймыз, — деді «QazaqGaz Aimaq» АҚ-тың Алматыдағы өндірістік филиалының директоры Ақылбай Сапаров.
Сондай-ақ, компания барлық қалпына келтіру жұмыстары қысқа мерзімде жүргізілетінін жеткізді.
Фото: BAQ.KZ
