Оқиға былай болған: 2023 жылдың сәуір айында белгісіз нөмір талап қоюшының телефон нөміріне қоңырау шалып, өзін Каспи банкінің қызметкері ретінде таныстырып, оның атына 1 млн. теңге сомасына несие ресімдеуге өтінім түскенін хабарлаған.
Бұған жол бермеу үшін оны банктің қауіпсіздік қызметімен байланыстырған. Олар талап қоюшыны басқа банкте картасын іске қосуды және онлайн несие рәсімдеуді сұраған. Кейін ақшаны банкке қайтару үшін одан ақшаны жауапкер Р.-ның банктік шотына аударуды сұраған.
Аталған факті бойынша ҚК-нің 190-б. 4-т. 2-б. бойынша қылмыстық іс қозғалған.
Сот шешімімен талап қою арызы қанағаттандырылды, жауапкерден 1 млн. теңге мөлшерінде негізсіз байыту сомасы және мемлекеттік бажды төлеу бойынша шығын өндірілді.
Шешім заңды күшіне енген жоқ.
Фото: zhaikpress.kz
