Үкімет басшысы өткен аптада Солтүстік Қазақстан облысында болғанын нақтылап, жөндеу-құрылыс жұмыстарының жақсы қарқынын атап өтті. Дегенмен, оның айтуынша, басқа өңірлер әлі қажетті қарқынға жете қойған жоқ.
«Жаздың қысқа екенін тағы бір рет еске сала кетейін, мұның барлығын уақытында атқару керек, өкінішке орай, жергілікті атқарушы органдардың жұмысында инерция, белсіздік, ұйымшылдық жоқ. Әсіресе, Атырау облыстары белсенділік танытуы қажет. Сонымен қатар, кідірістерге жол бермеу керек. Бұл ретте атқарылып жатқан жұмыстардың мерзімі ғана емес, сапасы да маңызды», — деді Премьер-Министр Олжас Бектенов.
Ол көптеген өңірлерде су тасқынымен күресу үшін топырақтан, саздан жағалаулар жасалып, құм салынған қаптар пайдаланылғанын айтты. Ал енді әкімдіктер барлығын өркениетті қалыпқа келтіріп, қап контейнерлерді қоршаған ортаға зиянын тигізбес үшін кәдеге жарату керек.
