Әлеуметтік желілерде әнші Димаш Құдайбергеннің қазақстандықтарды «Алға Қазақстан» оппозициялық партиясына кіруге шақырғаны туралы ақпарат таралып жатыр, деп хабарлайды Stan.kz ақпарат агенттігі.
Stopfake.kz мәлеметінше, бұл хабарлама – жалған. Ақпарат qazinform24 сатиралық Instagram-парақшасынан алынған.
Бұл парақшада шынайы және сенімді ақпараттар жарияланбайды, бұл туралы оның профилінде жазылған. Онда тек ойдан шығарылған «жаңалықтар» ғана шығарылады.
Демек, әншінің оппозициялық партияларға қосылуға шақырғаны туралы ақпаратқа сенудің қажеті жоқ. Бұл өтірік.
Фото: «Астана» телеарнасы
