Асланбек Шымбергенов 28 шілде күні алғашқы жекпе-жегін (1/16 финал) өткізеді.
Дзюдо бойынша жарыстар 27 шілде мен 3 тамыз аралығына жоспарланған.
Ұлттық құрама сапында жамбылдық Елдос Сметов (60 кг) және Данияр Шамшаев (73 кг) бақ сынамақ.
Айта кетейік, Парижде өтетін XXXIIІ Жазғы Олимпиада ойындарына дзюдодан Қазақстан ұлттық құрама командасынан 8 дзюдошы қатысады.
Оның жетеуі – өз салмақ дәрежелерінде жекелей сайысқа қатысса, бір спортшы аралас-командалық жарыстың лицензиясына ие болды.
Париж Олимпиадасында Қазақстан намысын қорғайтын дзюдошылар келесідей:
Әйелдер: Абиба Абужақынова (48 кг), Камила Берліқаш (+78 кг), Эсмигүл Куюлова (аралас-командалық жарыс).
Ерлер: Елдос Сметов (60 кг), Ғұсман Қырғызбаев (66 кг), Данияр Шамшаев (73 кг), Абылайхан Жұбаназар (81 кг), Нұрлыхан Шархан (-100 кг).
Фото: jambylsport
