Осылайша, бақылау іс-шараларды жүзеге асыру үшін Қазақстан Республикасы Ұлттық қауіпсіздік комитетінің бірыңғай ақпараттық жүйесіне қолжетімділік қамтамасыз етілді.
Қазақстан Республикасының аумағы арқылы тасымалданатын жүктердің «жалған транзит» фактілерін болдырмау мақсатында Қазақстан Республикасының мемлекеттік шекарасынан өтетін көлік құралдарының деректер базалары арасында салыстыру жүргізіледі.
Бұдан басқа бүгінгі таңда ЕАЭО сыртқы шекарасында «Qoldau.kz» порталы және «CargoRuqsat» мобильді қосымшасы арқылы 10 автомобиль өткізу пунктінде автоматтандырылған электронды кезек жүйесі енгізілді және табысты жұмыс істеуде.
Электронды кезек жүйесінде қолжетімді орындардың саны кез келген қолайлы күні брондау үшін барлық өткізу пункттерінде жеткілікті.
Осылайша, электронды кезек жүйесін енгізу республикалық маңызы бар жолдар бойында автокөлік құралдарының физикалық жинақталуын жоюға мүмкіндік берді және тасымалдау процесінің ашықтығын қамтамасыз етті.
Сонымен қатар, «Qldau.kz» электронды кезек жүйесінің модулі негізінде ҚХР-дің шетелдік рұқсат бланкілерін беру автоматтандырылған.
Бұл жоба пилоттық режимде 2024 жылдың наурызына дейін жүргізулуде және тек ҚХР-мен тасымалдауға арналған. Аяқтағаннан кейін бақылау-өткізу пункттерінде шетелдік рұқсат бланкілерін тұрақты беру туралы шешім қабылданады.
2023 жылғы 26 сәуірде пилоттық жоба іске қосылғаннан бері өткізу пункттерінде 57 мыңнан астам шетелдік рұқсат бланкілері берілген. Электронды кезек жүйесінде 307 мыңнан астам брондау жасалды.
