Әкімшілік аумақты патрульдеу кезінде жол ережесін бұзған «BMW» маркалы автокөлігі тоқтатылған.
Құжаттарын тексеру барысында жүргізушінің масаң күйде екендігі байқалған. Сараптама қорытындысы бойынша жүргізушінің орта дәрежеде масаң күйде болғандығы расталды.
Оның айтуынша жаңа жылдық кеште арақ ішіп, үйі жақын болғандықтан жылдам жетемін деп ойлаған.
Көлік жүргізушісі ҚР ӘҚБтК-нің 608-бабы бойынша әкімшілік жауапкершілікке тартылып, сот шешімімен 15 тәулікке әкімшілік қамаққа алынды және жеті жыл мерзімге көлік құралын басқару құқығынан айырылды. Автокөлік арнайы айыптұраққа қойылды.
Құрметті жүргізушілер, естеріңізде болсын, көлікті мас күйінде жүргізу — өзіңіздің және өзгенің өміріне қауіп төндіру болып табылады.
