Түркістан облысына бір жылда 26 822 адам көшіп келген, деп хабарлайды ҚазАқпарат.
Қоныс аударушылардың 26 285 еліміздің өзге аймақтарынан болса, алыс-жақын шет елдерден 21 адам көшіп келген. Ал, биылғы жылдың 1 қаңтарында Түркістан облысы халқының саны 2 075 404 адамды құрады. Оның 433 780-і (20,9%) қалалық жерде, 1 641 624-і (79,1%) — ауылдық жерде тұрады. Республика бойынша облыс туу мен табиғи өсімі көрсеткіштері бойынша 1 орында.
«2021 жылы 13 897 неке тіркелді, бұл өткен жылдың тиісті кезеңмен салыстырғанда 3,2%-ға артқан. Тіркелген ажырасулар 36,6 пайызға азайды. Былтыр облыста 65 267 бала дүниеге келсе, қайтыс болғандар саны 13 560 адамды құрады», — деді Ұлттық статистика бюросының Түркістан облысы бойынша департамент басшысы Бағлан Қарғұлов.
