ҚР Сыбайлас жемқорлыққа қарсы іс-қимыл агенттігі ҚР Экология, геология және табиғи ресурстар вице-министрі Ахметжан Пірімқұлов пен «ӨКМ Операторы» ЖШС басқарма төрағасы Медет Құмарғалиевтың ұсталғанын растады, деп хабарлайды Stan.kz ақпарат агенттігі.
«Олар сыбайлас жемқорлық қылмыс жасады деген күдікке ілінді. Екеуі де Нұр-Сұлтан қаласының уақытша ұстау изоляторына қамалды», – деді агенттіктен.
БАҚ-тың хабарлауынша, Пірімқұлов пен Құмарғалиев елден қашып кетуге тырысқан.
Пірімқұлов 2019 жылдың шілдесінен бастап вице-министрдің міндетін атқарған. Ол қоқысты утилизациялауға жауапты болды.
Құмарғалиев 2019 жылдың қараша айында «ӨКМ Операторы» жеке компаниясының басқарма төрағасы болды.
Естеріңізге сала кетейік, Қасым-Жомарт Тоқаев үкіметке утилизациялық алым ставкасын қайта қарауды және «Оператор «РОП-тың» қызметін тоқтатуды тапсырды.
Қазақстан үкіметі «ӨКМ Операторы» ЖШС-ның қызметін тоқтату туралы қаулы қабылдады. Өндірушілердің кеңейтілген міндеттемелерін әкімшілендіру функциясын «Жасыл даму» АҚ орындайды.
