Елімізде ескі көліктерді жою мақсатында қабылдау қызметі уақытша тоқтатылды. Бұл осыған дейін «Оператор РОП» атқарған қызметтердің мемлекет меншігіне өту процедурасымен байланысты, деп хабарлайды «Оператор РОП-тың» ресми сайты.
«2022 жылдың 19 қаңтарынан бастап істен шыққан көлік құралдарын және ауыл шаруашылығы техникасын кәдеге жаратуға қабылдау бағдарламасы, сондай-ақ кәдеге жарату төлемін төлеуге және «EcoQolday» жобасы аясында субсидиялар төлеуге байланысты барлық қаржылық операциялар уақытша тоқтатылды», — делінген хабарламада.
Айта кетейік, енді ескі көлікті жою қызметін экология, геология және табиғи ресурстар министрлігіне бағынышты «Жасыл даму» акционерлік қоғамы жүргізеді. ӨКМ мемлекеттік операторының («Оператор РОП» — ред.) жұмысы штаттық режимде жақын арада қайта жанданады.
