Үшарал шынында да құтты ауыл. Бұл ауылда бір кезде Ербол Қамбатыров, Үміт Битенова секілді ерлі-зайыпты айтыскерлер тұрды, осында еңбек етті. Бұл ауылдан Дәулетхан Жақыпов, Шыңғыс Жақыпов деген белгілі балуандар шықты. Шырынбек Қойлыбаев, Айнұр Шаханова секілді айтыскерлерімен мақтана алады. Мемлекеттік сыйлықтың лауреаты Күләш Ахметова осы ауылдан шыққанымен, бүкіл қазақтың мақтанышы. Күләш әпкесінің ізін жалғаған Жұлдыз Бейсек ақын қыздары да бір төбе. Досым Сейітов, Жаңабек Шағатаев деген жазушыларымен де Үшарал ауылы мақтана алады.
Бұл ауылдың әр тасы тарих. Дөске Нақыпов, Майыр Шаханов, Сәти Сайлыбаев секілді ақсақалдары – ұрпаққа үлгі. Олар айтқан өсиеттер –ұрпаққа тағылым.
Үшарал ауылының өркен жайып, жамып, жайқалатыны уақыты әлі алда. «Ауылдың экономикалық дамуы жақсы. Бұл ауыл пилоттық жобаға таңдалып, біраз жаңашыл жұмыстар жүзеге асты. Техникалар едәуір жаңарды» дейді Үшарал ауылдық округінің әкімі Рахымғазы Айтуов.
