Фарида Абуева басқаратын пошта бөлімшесінің де жұмысы жүйелі. Тұрғындардың пошта қызметіне жиі жүгінетіні рас. Мұндағы қызметкерлер елдің көңілінен шығу жолында тер төгіп жүр.
Елбасының бұқаралық спортпен шұғылдануды дамыту туралы тапсырмасы бұл ауылда жақсы жолға қойылған. Ауылда екі спорт нысаны бар. Тұрғындардың 30,1 пайызы бұқаралық спортпен шұғылданады. Оның ішінде жастардың үлесі басым. Екі спорт нысаны да қашанда тұрғындардан босамай, көпшілікке қызмет қарбалас қызмет көрсетіп жатады.
Халыққа қызмет көрсетудің маңызды түрі – тәртіпті қадағалау. Себебі, тәртіп бар жерде бәрі бар. Мұнда аулдық учаскелік инспектор, полиция капитаны Ербол Аманбеков ауылдың тыныштығын сақтау, ұрлық қарлыққа тосқауыл қою барысында сапалы жұмыс атқаруда. Бұл тәртіп сақтау бөлімшесіне ауылдық округ әкімі тарапынан қажеттіліктің бәрі тауып берілген. Қызмет жасауына арнайы бөлме бар. Тәртіпті қадағалаудың жеңіл емес екенін учаскелік инспектор Ербол Аманбеков те жақсы түсінеді. Сол жолда аянбай еңбек етіп келеді.
