Сенатордың айтуынша, қала мен облыстағы өрт сөндіру станцияларының саны, сондай-ақ кезекші қарауылдың жауынгерлік есебі жеке құрамының штат саны нормаларға сәйкес келмейді. Сонымен қатар, сенатор арнайы өрт-құтқару техникасы мен жабдықтарын сатып алуға ақшаның жетіспеушілігі проблемасын да атап өтті. Осы себепті өрт сөндірушілер мен құтқарушылар ескірген жабдықтарда жұмыс істеуге мәжбүр.
«Мәселен, Жамбыл облысында өрт сөндіру қызметінің автотехника паркі 136 бірлік. Баланста бар автокөліктің 26 бірлігі ескірген техникадан тұрады, оның пайдалану мерзімі 20 жылдан асады. Бұдан басқа, Байзақ ауданында төтенше жағдайды жою кезінде 18 бірлік өрт сөндіру техникасы жарамсыз болып қалғанын атап өту қажет», — деді Бекболат Орынбеков.
Сенатордың ұсынысы – ТЖ құрылымдарындағы жағдайға кешенді талдау жүргізу және аталған проблемаларды шешу бойынша шаралар қабылдау. Мұның бәрі, сайып келгенде, өрт сөндірушілердің де, басқа да қазақстандықтардың қауіпсіздігіне тікелей қатысты, деп қосты сенатор.
