Таяу күндері екінші сәбиін дүниеге әкелген Тамара Асар перзентханадан шықты. Күні кеше жұбайы, үлкен ұлы мен басқа да жақын туыс, достары кішкентай Ажарды шаңырағына алып келді, деп хабарлайды Stan.kz.
Атаулы күнді Тамара Асардың өнердегі әріптестері де елеусіз қалдырмады. Осыдан 2 күн бұрын ғана туған күнін тойлаған Мәдина Сәдуақасова, Ғаділбек Жаңай қуанышты сәтке ортақтасты.
«Бірер күн бұрын бүкіл қазақ елі, оның ішінде біз, Тамараның құрбылары өте қатты қобалжыдық, күттік. Дүниеге асыға күткен біздің ханшайымымыз Ажар қызымыз келді. Біз бұл құпияны басынан бастап білдік», — деді Мәдина Сәдуақасова.
Әншінің жары Жұмаш мырза бұл күнге ерекше дайындалғаны көрініп тұр. Перзентхананың алдын түрлі шарлармен әсемдеген ол қызы мен жұбайын музыканттармен бірге қарсы алды.
