Ресейлік диетолог-дәрігер аптап ыстық кезінде шөлді басу үшін қандай сусындар пайдалы екенін айтты деп хабарлайды Sputnik радиосы.
Медицина ғылымдарының докторы, дәрігер Андрей Бобровскийдің сөзінше, жаз мезгілінде ағзаға сұйықтық әдеттегіден көп мөлшерде қажет болып жататындықтан, көбірек сұйықтық ішкен дұрыс.
Оның айтуынша, бұл ретте шөлді басу үшін қарапайым суды ішкен дұрыс. Оған қандай да бір жемістерді қосып, дәмдірек етуге де болады. Ал тәтті газдалған сусындар мен шырындарды керісінше ыстық күнде ішпеген дұрыс.
«Ыстық күнде калориялы газдалған сусынды ішпеген дұрыс. Соңғы деректерге сәйкес танымал өндірушілердің төмен калориялы газдалған сусыны артық салмақтың пайда болуына айтарлықтай әсер етпейді. Бірақ тәттілендірілген газдалған сусындар калориясы өте аз болса да, адамның шөлі қанбаған секілді реакция тудырады. Адамның тағы бірнәрсе ішкісі келіп тұрады. Қапталған шырын мен газдалған сусынның айырмашылығы жоқ. Оның пайдасы аз, бірақ зияны бірдей», — дейді Андрей Бобровский.
Жаз мезгілінде аса танымал кваста шөлді тез басады, бірақ оның құрамында қанты тым көп болмауы керек.
Еске сала кетсек, бұған дейін дәрігерлер мен диетологтар газдалған сусынның миға қауіпті екенін ескерткен еді. Америкалық диетолог Бриттани Любектің айтуынша, газдалған сусындағы кофеинді үнемі қолдану мидағы химиялық өзгерістерге әкелуі мүмкін.