Түркістан облысының құтқарушылары тауда адасып кеткен 7 туристің қалған екеуін іздеу жұмыстарын жалғастыруда, делінген Өңірлік коммуникациялар қызметі таратқан хабарламада.
Сегізге бөлінген жұмысшы топтар «Сайрам-Өгем» паркіне қарасты тауда түнеп, шатқалдарды аралап жүргеніне 10 күннен асқан. Олар бүгінге дейін 800 шақырымға жуық аумақты жаяу тінтіген. Сондай-ақ, «Казавиақұтқару» АҚ тікұшақтары арқылы 5 670 шаршы метрді шолып шыққан.
здеу жұмыстарына Түркістан облысы ТЖ департаменті, Полиция департаменті, ҰҚК Шекара қызметі, Орман шарушылығының мамандары және Өзбекстан Республикасынан 112 қызметкер, 11 бірлік техника жұмылдырылған.
Естеріңізге сала кетейік, 24 мамыр күні «Сайрам-Өгем» паркінің тауларына серуендеуге шыққан 7 азамат жоғалып кеткен. Іздестіру жұмыстарының нәтижесінде құтқарушылар оның үшеуін қиындықтан дін аман құтқарса, екеуінің денесін тапқан. Қалғаны іздестірілуде.
