Жамбыл облысы бойынша Қылмыстық-атқару жүйесі департаментіне қарасты №59 мекемесінде жаппай сенбілік ұйымдастырылды. Іс-шараға мекеме қызметкерлерімен қатар, жазасын өтеуші азаматтар да белсенді қатысты.
Сенбілік барысында мекеме аумағы мен өндірістік және тұрғын аймақтар тазартылып, қоқыстар жиналды, көгалдандыру және абаттандыру жұмыстары жүргізілді. Қатысушылар аумақтың тазалығы мен тәртібін қамтамасыз етуге өз үлестерін қосты.
Мұндай шаралардың мақсаты – қоршаған ортаны таза ұстау мәдениетін қалыптастыру, еңбекке баулу және ұжымдық жауапкершілікті арттыру. Жаппай сенбілік нәтижесінде мекеме аумағы ретке келтіріліп, тазалық пен тәртіп қамтамасыз етілді.
