Іс-шара барысында мекеме қызметкерлері шартты түрде туындаған құқық бұзушылық жағдайына жедел әрекет ету, нысанның қауіпсіздігін қамтамасыз ету және арнайы жоспарға сәйкес қызметтік міндеттерін орындау бойынша тәжірибелік дағдыларын пысықтады. Оқу-жаттығуға мекеменің жеке құрамы толық жұмылдырылып, бөлімшелер арасындағы өзара іс-қимыл деңгейі тексерілді.
Жаттығу барысында қызметкерлердің кәсіби даярлығы, жедел шешім қабылдау қабілеті және белгіленген алгоритмдерге сәйкес әрекет етуі бағаланды. Сонымен қатар қауіпсіздік шараларын сақтау мен құқықтық тәртіпті қамтамасыз етуге ерекше назар аударылды.
Оқу-жаттығу қорытындысы бойынша қойылған міндеттер толық көлемде орындалып, жеке құрамның дайындық деңгейі қанағаттанарлық деп танылды. Мұндай іс-шаралар қызметкерлердің кәсіби шеберлігін арттырып, кез келген төтенше жағдайға жедел әрі тиімді әрекет етуге мүмкіндік береді.
