Жамбыл облыс әкімі Ербол Қарашөкеевтің бастамасымен «Әулиеата-кітап оқитын өңір» акциясы аясында Жамбыл облыстық көзі көрмейтін және әлсіз көретін азаматтар кітапханасы жазушы, драматург, публицист Елен Әлімжан Әбдуатұлының 80 жас мерей тойына арналған «Текті сөздің төресі» атты жазушыға 100 сұрақ форматындағы тағылымды кешін ұйымдастырып, жазушының өмір жолы мен шығармашылық мұрасын дәріптеп, оқырман мен көрермен қауымға оның әдеби әлемі кеңінен таныстырылды.
Кеш сахыналық қойылыммен ашылып, Елен Әлімжан Әбдуатұлының «Аққұмнан шыққан баламын», «Сері аға» әндерімен өрнектеліп отырды. Сонымен қатар Елен ағамыздың ішікі әлемін ашу үшін қонаққа арнайы құпия қонақтар қоғамның зиялылары, шәкірттері шақырылып, түрлі сұхбаттар мен естеліктер, жүрек жарды ақ тілектер легі төгілді.
Жазушының «Бауыржанның пырағы» және «Абайтаудың арғы жағы мен бергі жағы» кітабының нүктелі бедерлі Брайль қарпіндегі сонымен қатар аудио нұсқадағы кітабының, 2 бірдей әдебиеттің тұсаукесері –өтіп, 1 данасы арнайы №2 «Болашақ» мектеп интернатының оқушыларына жолданды.
