Жүйелі жұмыстар нәтижесінде жыл басынан 487,7 млрд. теңгенің өнімі өндіріліп, өсім 100,1 пайызды құрады. Бұл көрсеткіш жыл соңына дейін триллион теңгеден асады деп межеленіп отыр. Өндірілген өнім көлемі бойынша облыс республикада жоғарғы көрсеткішке ие. Нарықты отандық өніммен қамтамасыз ету мақсатында 2025-2027 жылдары 67 инвестициялық жоба іске асырылып (270,1 млрд.тг), 2 488 жұмыс орны ашылады деп көзделген. Биыл 1 700 жұмыс орнымен 34 жобаны іске асыру жоспарланса, жыл басынан 22 жоба іске қосылып, 935 жұмыс орны құрылды.
2025 жылы ауыл шаруашылығы дақылдары алқабы өткен жылдан 34 мың гектарға ұлғайып, 907 мың гектарға (2024 ж. – 872,5 мың га) егілді. Астықты ору науқаны маусым айынан басталып, бүгінгі күнге 100 пайыз орылды. Бүгінгі күнге 9 мың тонна мақсары, 791 мың тонна көкөніс, 1,1 млн. тонна бақша, 234 мың тонна картоп өнімдері жиналды.
Биыл 5,2 млн тонна малазықтық дақылдарын жинау жоспарланса, қазір 4,5 млн тонна азық дайындалды (86%). Жалпы облыста жиын-терім жұмыстары жоспарға сай жүргізілуде. Ауыл шаруашылығы дақылдарын әртараптандыруда рентабельді дақылдарға басымдық беріліп жатыр.
Сондай-ақ, Түркістанда 880 пәтерлі тұрғын үйлердің құрылысы жүргізіліп жатыр.
Түркістан қаласы әкімінің орынбасары Әбілсейіт Рабаев шаһар аумағында жүзеге асырылып жатқан құрылыс және жол жөндеу нысандарында атқарылып жатқан жұмыстардың барысымен танысты. Әбілсейіт Байсейітұлы жаңадан салынып жатқан атшабарға баратын жолдың құрылыс барысын бақылады. Жоспарға сәйкес, ұзындығы 1,3 шақырымды құрайтын жолға екі қабатты асфальт төселіп, жарықшамдары орнатылған. Бүгінде жолдың екі жағынан аяқжол төсеу жұмыстары жүріп жатыр.
Сондай-ақ, Бекзат тұрғын алабында жалпы ұзындығы 8,4 шақырымды құрайтын 5 көшеде орташа жөндеу жұмыстары жүргізілуде. Жөндеу барысында жол негізін әзірлеу, ірі және ұсақ түйіршікті асфальт жабындысын төсеу, жол жиектерін ретке келтіру, сондай-ақ бір жақты аяқжол салу жұмыстары атқарылуда. Одан бөлек, Отырар тұрғын алабында да ауқымды жөндеу жұмыстары қолға алынған. Онда Шаян, Ойсылқара, Келес және оларға іргелес көшелерді қамтитын, жалпы ұзындығы 24,6 шақырымды құрайтын 28 көшеде орташа жөндеу жұмыстары жүргізілуде.
Шаһарда жол инфрақұрылысымен қатар тұрғын үй құрылысы да қарқын алып келеді. Әбілсейіт Байсейітұлы 5 қабатты 22 кредиттік тұрғын үй кешенінің құрылыс алаңында болып, мердігер мекеме өкілдерімен кездесті. Жалпы аумағы 8,4 гектарды құрайтын кешенде 880 пәтер салынып жатыр. Қазіргі таңда негізгі құрылыс жұмыстары басталған. Нысандарды аралау барысында қала әкімінің орынбасары мердігер ұйымдарға жұмыстарды сапалы әрі белгіленген мерзімде аяқтауды тапсырды.
Тағы бір айтары, Түркістан облысында биыл 3,3 млн тонна бақша өнімдері жиналады деген жоспар бар.
Бүгінде Түркістан облысында жиын-терім жұмыстары қарқынды түрде жүргізілуде. Жалпы биыл 3,3 млн тонна көкөніс, бақша, картоп өнімдерін жинау күтіліп отыр. Бүгінгі таңда 2,6 млн тоннасы жиналған. Бұдан бөлек, өңірде жылыжайлардың көлемі 1 715 гектарды құрайды. Жылыжайлардан 101,5 мың тонна көкөніс жиналған.
Облыста 1 қыркүйектегі жағдай бойынша 1 143,6 мың бас ірі қара, 4 947,6 мың бас қой және ешкі, 495,8 мың бас жылқы, 43,2 мың бас түйе, 2 566,4 мың бас құс тіркелген. Осы орайда 122,9 мың тонна ет, 368,8 мың тонна сүт, 176,9 млн дана жұмыртқа өндірілді. Республикада экспортқа шығарылатын ірі қара мал етінің 80%-ы, қой етінің 75%-ы облыстың еншісінде. Осы жылы 8 айда 20,8 мың тонна ірі қара мал еті, 13,4 мың тонна қой еті экспортқа шығарылды. Сонымен қатар, ет кластерін дамыту бағытында құны 48,9 млрд теңгені құрайтын ірі 7 инвестициялық жоба жүзеге асырылуда. Нәтижесінде жылына қосымша 31,5 мың тонна ет өндіріліп, ет экспортының көлемі 2 есеге ұлғаймақ. Бұдан бөлек, қайта өңдеу кәсіпорындарының қуаттылығын арттыру бағытында тауарлы сүт фермаларын ашу жұмыстары жалғасуда. Бұл бағытта құны 6 млрд теңгені құрайтын 3 жоба жүзеге асырылып, қосымша 20 мың тонна сүт өндірілмек.
Айта кетейік, республикада ауыл шаруашылығының өнімінің 14%-ы Түркістан облысына тиесілі. Биыл қаңтар-тамыз айларына 487,7 млрд теңгенің өнімі өндіріліп, нақты көлем индексі 100,1 %-ды құрады. Сонымен қатар, ауыл шаруашылығының негізгі капиталына 97,6 млрд теңге инвестиция тартылып, өткен жылдың тиісті кезеңімен салыстырғанда 1,4 есе артқан.
Фото: Түркістан Өңірлік Коммуникация Қызметі
