Ең бастысы мүмкіндігі шектеулі адамдар үшін Қазақстан кедергісіз аймаққа айналуға тиіс. Мемлекет олар тек жәрдемақы беріп қана қоймай, сонымен бірге, олар өздерін қоғамның мүшесі, пайдалы еңбеккер ретінде сезінуі тиіс.
Жамбыл облысында 45 652 мүгедектігі бар адам тіркелген. Оның ішінде 1-ші топтағы – 4 799 адам, 2-ші топ – 16 370, 3-ші топ – 17 689 адам, 18 жасқа дейінгі мүгедектігі бар балалардың саны – 6 794.
2025 жылы мүгедектігі бар адамды абилитациялаудың және оңалтудың жеке бағдарламасына сәйкес мүгедектігі бар адамдарды көмек түрлерімен және қызметтермен қамтамасыз ету үшін, нақтырақ айтсақ сурдо-тифлотехникалық құралдар, протездік-ортопедиялық бұйымдар, міндетті гигиеналық кұралдар, санаторлық-курорттық емделу, кресло-арбалар, жеке көмекші, ымдау тілі маманы қызметтеріне, инватакси қызметіне, жаңа бастамаларға 7,8 млрд.теңге қаржы қаралған. Яғни, республикалық бюджеттен – 1,4 млрд. теңге, облыстық бюджеттен – 1,2 млрд. теңге, ЖСТ РБ – 0,063 млрд.теңге, ЖСТ аудан/қала – 2,3 млрд. теңге, жергілікті бюджеттен – 2,8 млрд. теңге.
Оның ішінде: сурдотехникалық құралдарға – 102,2 млн.теңге, тифлотехникалық құралдарға – 372,0 млн.теңге, санаторлық-курорттық емделуге – 1430,0 млн.теңге, протездік-ортопедиялық бұйымдарға – 401,0 млн.теңге, міндетті гигиеналық кұралдарға – 2910,8 млн.теңге, арнаулы жүріп-тұру құралдарына – 364,0 млн.теңге, жеке көмекшінің қызметтеріне – 1317,1 млн.теңге, ымдау тілі маманының қызметтеріне – 248,0 млн.теңге, жаңа бастамаларға – 85,0 млн.теңге, инватакси қызметіне – 548,7 млн.теңге бөлінген.
Ағымдағы жылдың алты айында «Е-Собес» ақпараттық жүйесінде мүгедектігі бар адамдарды техникалық оңалту құраларымен қамтамасыз ету бойынша абилитациялаудың және оңалтудың жеке бағдарламаларының орындалуы 76,7 пайызды құрап отыр. Ал, республикада орташа көрсеткіш – 68,2 пайыз. Порталға тіркелген 21844 өтініштің 16743-і қанағаттандырылды.
Сондай-ақ, 2025 жылдың қорытындысы бойынша мүгедектігі бар адамдарды абилитациялаудың және оңалтудың жеке бағдарламаларын орындауды 95,0 пайызға дейін жеткізу жоспарланып отыр.
Көру қабілеті жағынан мүгедектігі бар 519 адам тифлотехникалық (88,6 пайыз), есту қабілеті жағынан мүгедектігі бар 367 адам сурдотехникалық (85,8 пайыз), тірек-қимыл аппараты бұзылған мүгедектігі бар 667 адам арнаулы жүріп-тұру (95,5 пайыз), жамбас органдарының қызметі бұзылған мүгедектігі бар 9059 адам міндетті гигиеналық (96,8 пайыз) құралдармен қамтамасыз етілді.
Ымдау тілі маманының қызметімен толығымен 542 адам қамтамасыз етілді, яғни, 99,1 пайыз. Ал, бірінші топтағы мүгедектігі бар, жүріп-тұруы қиын 248 адамға жеке көмекшілердің қызметтері ұсынылуда, Бұл дегеніміз 97,7 пайыз.
— Техникалық оңалту құралдарының жекеленген түрлері бойынша облыстық көрсеткіштен төмен көрсеткіштер санаторлы-курорттық емделумен 42,4 пайыз және протездік-ортопедиялық құралдармен 72,3 пайыз қамтамасыз ету бағыттарында кездеседі. Мысалы, жекеленген бағыттар бойынша облыстық көрсеткіштен төмен көрсеткіштер Қордай ауданы, Тараз қаласы, Т.Рысқұлов, Сарысу және Байзақ аудандарында орын алған, — дейді Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасы басшысының орынбасары Самат Төрегелдиев.
Атап айтар болсақ, санаторлы-курорттық емделудің орындалуы Талас ауданында – 32,4 пайыз, Қордай ауданында – 35,6 пайыз, Сарысу ауданында — 40,2 пайыз, Тараз қаласында – 41,1 пайыз;
Сондай-ақ, протез-ортопедиялық құралдардың орындалуы Қордай ауданында – 45,4 пайыз, Т.Рысқұлов ауданында – 62,5 пайыз, Байзақ ауданында – 66,8 пайыз, Тараз қаласында – 71,1 пайыз.
Фото: Новое Телевидение
