Меркі аудандық соты алдын ала сөз байласу бойынша адамдар тобында екі және одан да көп адамға қатысты бірнеше рет ірі және аса ірі мөлшерде жасалған алаяқтық фактісі бойынша 7 адамға қатысты қылмыстық істі қарады.
Нақтырақ айтатын болсақ, сотталушылар С. және М. ЖШС басшылары бола отырып, өздерінің материалдық жағдайын жақсарту мақсатында қызметтік жағдайын пайдалана отырып, пайдакүнемдік ниетпен алаяқтық жолымен өсімдік шаруашылығы саласындағы өнімнің өнімділігі мен сапасын арттыруға субсидиялар түрінде бөлінген бюджет қаражатын ұрлаған.
Ресми құжаттарды қолдан жасау, алдын ала сөз байласу арқылы адамдар тобында әрекет ете отырып, олар аса ірі мөлшерде қолма-қол ақша алу мақсатында қылмыстық іс-қимыл жоспарын құрған. Әзірленген схемаға сәйкес, ЖШС және ШҚ түрлі сортты алма көшеттерін сатып алған. Сатып алу-сату шарттарына қол қою кезінде көшеттердің нақты саны көрсетілген.
Қылмыстық схема бойынша шарттардың бірінші парақтарын ауыстыру арқылы бюджеттен ірі субсидиялар алу үшін көшеттер саны әдейі ұлғайтылған.
Осылайша мемлекетке келтірілген залал сомасы 373 млн теңгеден асты.
Сотталушылардың кінәсі ұсынылған шарттармен, куәлердің айғақтарымен және қылмыстық істің басқа да материалдарымен дәлелденді.
Сот үкімімен С.-ға – мемлекеттік қызмет және квазимемлекеттік сектор субъектілерінде қызмет атқаруға өмір бойына тыйым салына отырып, 7 жылға бас бостандығынан айыру;
М.-ға – ҚК 50-бабы 3-бөлігінің талаптарына сәйкес қаржы нарығын және қаржы ұйымдарын бақылау және қадағалау саласында, мемлекеттік ұйымдарда және квазимемлекеттік сектор субъектілерінде 10 жыл мерзімге лауазымдар атқару құқығынан айыра отырып, 6 жылға бас бостандығынан айыру жазасы тағайындалды.
Және төрт қызметкердің әрқайсысына 5 жыл мерзімге бас бостандығын шектеу жазасы тағайындалды.
Бір қызметкерге 3 жылға бас бостандығын шектеу жазасы тағайындалды.
Үкім заңды күшіне енген жоқ.
Фото: NUR.KZ
