Жамбыл аудандық соты баспасөз қызметінің хабарлауынша сотталушы ер адам азаматтық некедегі әйелінің 4 млн теңге тұратын BMW530i автокөлігін несиеге сатып алған. Әйелдің жүргізуші куәлігі болмағандықтан, ол аталған көлікті сақтандыру полисі бойынша өзінің азаматтық жұбайына уақытша берген.
2025 жылдың наурыз айының соңында ерлі-зайыптылар арасында жанжал туындап, нәтижесінде күйеуі 5 литр бензин сатып алып, көлікпен ашық алаңға шығып, бензинді автомобильдің салонына, содан кейін қозғалтқыштың сыртқы бөліктеріне құйып, өртеп жіберген.
Осылайша жәбірленушіге 4,4 млн теңге залал келтіріп, оның кінәсі жинақталған дәлелдемелермен, жәбірленушінің айғақтарымен, сараптама қорытындыларымен және заттай дәлелдемелермен дәлелденді.
Сот үкімімен сотталушы А. ҚК 202-бабы 2-бөлігінің 1,5) тармақтары бойынша кінәлі деп танылып, оған 3 жыл 6 ай мерзімге бас бостандығын шектеу түрінде жаза тағайындалды.
Фото: Massaget.kz
