Тексеру барысында көлік жүргізушісінің жалған мемлекеттік нөмір таққаны және оның жүргізуші куәлігінен айырылғаны белгілі болды. Сондай-ақ, жүргізушінің 1,5 миллион теңгеден астам айыппұл берешегі бары анықталды.
Құқық бұзушыға бірнеше әкімшілік хаттама толтырылып, оған көрінеу жалған мемлекеттік тіркеу нөмірімен көлік жүргізгені, жылдамдықты асырғаны және жүргізуші куәлігі жоқ бола тұра көлік басқарғаны үшін жалпы 117 960 теңге айыппұл салынды. Сонымен қатар, ол бес тәулікке әкімшілік қамауға алынып, бір жылға көлік жүргізу құқығынан айырылды. Көлік құралы айып тұрағына қойылды.
Жамбыл облысының Полиция департаменті жол қозғалысы ережелерін қатаң сақтауды ескертеді. Есіңізде болсын, көлік жүргізу – ең алдымен сіздің жауапкершілігіңіз. Сондықтан қауіпсіздік шараларын сақтап, жол ережелерін бұзбауға шақырамыз!
Фото: Orda.kz
