Жол қозғалысын қадағалауды жүзеге асыру барысында жол ережелерін өрескел бұзу деректеріне, сондай-ақ жаяу жүргіншілермен жұмыс істеуге ерекше назар аударылуда.
Рейдтік шараның алғашқы күні полицейлер Жол қозғалысы ережелерін бұзудың 626 дерегін анықтады, оның ішінде көлік құралын мас күйінде басқарудың 4 дерегі.
-Қауіпсіздік белдіктерін пайдалану ережелерін сақтамағаны үшін — 82 көлік жүргізуші, маневр жасау ережелерін бұзғаны үшін — 33 жүргізуші, сондай-ақ көлік құралын басқару кезінде ұялы телефонды пайдаланғаны үшін 24 жүргізуші әкімшілік жауапкершілікке тартылды, — деді Жамбыл облысы ПД ЖПҚБ бастығының орынбасары Орынбасар Джалдыгараев.
Сонымен қатар, рейдтер барысында жолаушыларды заңсыз тасымалдаудың -3 дерегі, жолаушыларды, багажды және жүктерді тасымалдау ережелерін бұзудың 5 дерегі анықталды. 30 автокөлік арнайы айып тұрағына қойылды.
Жамбыл облысының Полиция департаменті жүргізушілерге Жол қозғалысы ережелерін қатаң сақтау қажеттігін ескертеді.
Фото: Жамбыл облысының Полиция департаменті
