Қайғылы оқиға 2024 жылдың қыркүйегінде орын алған. Сотталушының үйінде жанжал туындап, нәтижесінде мас күйінде ас үй пышағымен анасының кеудесіне қасақана мақсатты соққы жасаған. Нәтижесінде анасы сол жерде қайтыс болады.
Сот отырысында сотталушы өкініп, кінәсін ішінара мойындап, өлтіру ниеті болмағанын, бәрі кездейсоқ болғанын айтып өтті. Кінә қылмыстық істің дәлелдемелері мен материалдарының жиынтығымен объективті түрде расталды.
Осылайша Жамбыл облысының қылмыстық істер жөніндегі мамандандырылған ауданаралық сотының үкімімен ҚК-нің 99-б. 1-б. бойынша сотталушы кінәлі деп танылып, оған 13 жыл мерзімге бас бостандығынан айыру жазасы тағайындалды.
Алайда ол жазамен келіспей, бас бостандығынан айыру мерзімін қысқартуды сұрады.
Жамбыл облыстық сотының қылмыстық істер жөніндегі сот алқасы іс материалдарын зерделеп, 1-ші сатыдағы соттың қорытындыларын заңды және негізді, сотталушының кінәсі дәлелденген деп таныды.
Апелляциялық шағым қанағаттандырусыз, үкім өзгеріссіз қалдырылды. Қаулы заңды күшіне енді.
Фото: Liter.kz
