Мемлекет те өз кезегінде жастарға барынша қолдау көрсетуде. Мәселен, оған түрлі мемлекеттік бағдарламаларды жатқызуға болады. Осыларға қатысу арқылы жастар өзіне үлкен қолдау тауып жатыр. Ең маңызды шараның бірі – ол жастардың жұмыссыз қалмауы. Осы ретте жастарды жұмыспен қамтитын түрлі тетіктер іске қосылған. Солардың көмегімен жастар жұмысқа орналасып, жас маман ретінде тіпті уақытша баспанаға қол жеткізіп отыр. Атқарылып жатқан игілікті істердің бірі және соңғы кезде еліміз бойынша үлкен бастамаға айналған «Таза Қазақстан» республикалық тазалық акциясының аяқтаулына да аз уақыт қалды. Жылдың басында бастау алған бұл акция жылдың соңында аяқталатын болады. Әдетте мұндай тазалық іс-шарасы жылда елімізде ұйымдастырылып жатады. Бірақ «Таза Қазақстан» акциясының жөні бөлек. Ол тек бір-екі іс-шарамен шектелмей жыл бойғы мерзімді қамтып отыр. Ол тазалық шарасының ұзақтығы мен ауқымдылығын көрсетеді. Бұлайша бір жыл мерзімге созылуы тазалықтың қоғамда қаншалықты маңызды рөл ойнайтынын көрсетіп отыр.
Тазалық ол, біріншіден, денсаулық кепілі. Екіншіден, қоршаған орта күл-қоқыс керек емес заттардан тазарады. Қоршаған орта таза болса ол адамға да жақсы әсер береді. Сырттан келген кісілер де тазалықты көріп, сүйсініп кетеді. Дегенмен тазалықтың болуы ол бірінші кезекте сол жерде тұратын адамдардың өзіне керек. Сонымен бүкіл еліміздегі сияқты Қазығұрт ауданында да тазалық акциясы жыл басынан бері тұрақты өткізілді. Оған барлық ұжым мекеме қызметкерлері қатысты. Тіпті зейнеткерлер де ауланы тазалауға шықты. Мектеп оқушылары, жастар айтпаса да түсінікті олар еңбек озаттарының ең алдыңғы қатарында жүрді. Әлі де сол жастардың күшімен тазалық жұмыстары жалғасын тауып келеді.
Тазалық жұмыстарына, тұрғындар мен еріктілерді тұрақты түрде тарту маңызды. «Таза Қазақстан» экологиялық акциясы аясында Жаңабазар ауыл округінде қоғамдық қызметшілер мен халықты біріктіре отырып жалпы сенбілікті ұйымдастыруға бекітілген мекемелер, ауылдың белсенді жастары, еріктілер мен ауыл ақсақалдары бас болып қатысты. Жалпы сенбілік жұмыстарына 173-тен аса тұрғын белсенді қатысып, 5 тоннадан астам қоқыс шығарылды. Сонымен қатар 24 маусымда Қызылқия ауыл округі, Қызылсеңгір елді мекенінде көше бойларында сенбілік жұмыстары жүргізілді. Аталған елді мекенде ауыл тұрғындарын, қоғамдық жұмысшыларды тазалық жұмыстарын жүргізу үшін халықты жұмылдыра отырып, елді мекендердегі көше бойларында және арық атыздарда күл қоқыстан тазалау, қураған ағаштарды кесу, шөптерін ору жұмыстары атқарылды.
Сондай-ақ шілдеде Тұрбат ауыл округі, Еңбек елді мекені және Қ.Абдалиев ауыл округі, Рабат елді мекенінде, Қақпақ ауыл округтерінде жалпы сенбілік жұмыстары жүргізілді. Аталған сенбілік жұмыстарына мыңнан аса тұрғын қатысып, талдарды әктеу, қырқу, шөптерді шабу, кәсіпкерлік және жеке тұрғын үйлерді қас беттерін сырлау, қоқыстарды тазалау бойынша жұмыстар жүргізілді. Қазығұрт ауданында 700-ден астам адам акцияға атсалысты. Атқарылған жұмыстар барысында аудан аумағында өтетін республикалық маңызы бар «Алматы–Термез» автожолының бойы қоқыстардан тазаланды. Сондай-ақ, шөп ору, ағаштардың түптерін әктеу, бұтау жұмыстары жүргізілді. Акцияға ауданға қарасты барша ауыл округтен келген мемлекеттік және қоғамдық қызметкерлер, еріктілер мен тұрғындар, барлығы 700-ден аста адам қатысты.
Жалпы 2024 жылдың 8 сәуірінен бастау алған бұл акция барысында Қазғұрт ауданында күнделікті ауқымды істер атқарылуда. Аталмыш «Алматы–Термез» тас жолының бойы және 223 ішкі көше бойлары, 138,9 шақырымдық облыстық маңызы бар жолдар тазаланды. Сонымен қатар, аудан орталығындағы 93 аялдама сырланып, қалпына келтірілді. Одан бөлек, 1050 ретсіз өскен бұталар алынып, талдардың түптері әктелді. Сондай-ақ, 69,5 шақырым аяқ жолдар тазаланып, саябақтар және скверлер ретке келтірілді. Ал «Таза жағалау» экологиялық акциясы аясында Қазығұрт елді мекені аумағында орналасқан Келес өзені жағалаулары 25 секторға бөлініп, сенбілік жұмыстары жүргізілді, жалпы аталған сенбілікте Келес өзені бойындағы ретсіз тасталған тұрмыстық қалдықтарды жалдамалы техникамен жою жұмыстары жүргізілді. Сонымен қатар «А-2 Алматы–Термез» тас жолының бойында, Қазығұртта өткен жалпы аудандық сенбілікте 12 секторға бөлініп, барша ауыл округтерде мемлекеттік орган қызметкерлері, қоғамдық қызметкерлер, аудан жастары, еріктілер тобы мен аудан тұрғындары тазалық жұмыстарына шықты. «Таза Қазақстан» экологиялық акциясы барысында ұйымдастырылған жалпыхалықтық сенбілікте республикалық, облыстық маңызы бар жолдардың бойын, мекемелелердің аулаларын, саябақтар мен қоғамдық орындарды қоқыстан тазартып, жасыл аймақтардағы және көше бойындағы ағаш көшеттерін бұтау, ақтау және шөптерін ору секілді жұмыстар атқарылды. Индурстриялды аймақта және 13 ауылдық округте ұйымдастырылған тазалық жұмыстарына 300-ге жуық азамат қатысты. Әр ауылдық округ өздеріне бөлінген көше бойларындағы арам шөптерін шауып, жаяу жүргіншілер жүретін жолдың шеттерін әктеді. Сонымен қатар, автомобиль жолдарының бойындағы қураған ағаштар, бей-берекет өскен шөптер шабылып, нәтижесінде 55 тонна қоқыс шығарылды. Оған 11 техника жұмылдырылды.
Аудан әкімі Азизхан Исмаиловтың қатысуымен өткен «Таза аудан – таза жағалау» атты ауқымды сенбілік жұмыстарына 800-ге жуық мемлекеттік және қоғамдық қызметкерлер, ауыл округі тұрғындары, белсенді жастар қатысты. Сенбілік барысында ең алдымен ауыл арасындағы ірі каналдар, арық-атыздар арнасы қоқыстан тазартылып, облыстық және аудандық маңызы бар жол бойлары, саябақтар кәсіпкерлік және басқа да қоғамдық нысандар шөп ору, қасбеттерді әрлеу жұмыстары жүргізілді. Тазалық жұмыстарына аудан бойынша 2500-ге жуық адам, 10 техника жұмылдырылды. Жалпы сенбілік тазалық жұмыстарына осы күнге дейін 13 000 адам қатысып, 87 техника жұмылдырылды. «Қазығұрт ауданы бойынша «Таза Қазақстан» акциясында бұқаралық ақпарат құралдары мен әлеуметтік желілерге ақпараттық материал жариялануда. Атқарылған жұмыстар жайлы мәліметтер күнделікті Түркістан облысының энергетика және тұрғын-үй коммуналдық шарушылық басқармасына жолдануда. Экологиялық акция алдағы уақытта да қарқын алып, өз жалғасын табады»,– дейді аталған іс-шараны ұйымдастырушы жауапты сала мамандары.
Ал жастарды қолдау шараларына келсек, бүгінгі таңда жаңадан қолына диплом алып келген жас мамандарға арналған «Дипломмен ауылға» бағдарламасы бар. Ауылды түлету мақсатында қолға алынған бағдарламаның шарты бойынша белгілі бір мерзім ішінде жас маман ауылда жұмыс істеп, сол жерде еңбек өтілін бастауы керек. Ауылда жұмыс істеу барысында маман өзіне жақын достар табады, жаңа жұмыс орнына үйреніседі, тәжірибе жинақтайды, кәсіби біліктілігін арттырады. Егер жұмыс ұнап, жұмыс берушінің көңілінен шығып жатса, келешекте сол жерде тұрақты жұмыскер ретінде қалып қоюы да мүмкін. Мұны жас маман ары қарай өзі шешеді.
Ең бастысы қазіргі қоғамда жұмыссыз болмау. Айлығы аз жұмыс болса да жас маман ең біріншіден өзіне керекті тәжірибе жинақтайды. Ол ертеңгі күні тәжірибелі маман болу үшін өте маңызды. Мансаптың баспалдақтарымен көтерілу үшін де біртіндеп тәжірибе жинақтау жұмыс бастаған жас маман үшін де керек. Сонымен бірге жастарға арналған «Алғашқы жұмыс орны» деген бағдарлама бар. Бұл туралы керекті мәліметті жұмыспен қамту орталығынан білуге болады.
