Облыста сапалы ауыз сумен қамтамасыз етілмеген 54 ауылдық елді мекен және Тараз, Шу қалалары бойынша 9 тұрғын алқап қалып отыр.
Биыл ауыз сумен қамтамасыз ету бойынша жалпы 21,5 млрд. теңгеге 68 жоба іске асырылуда. Оған 37 елді мекен мен 2 қаладағы 5 тұрғын алқапты сапалы ауыз сумен қамтамасыз ету жоспарланған.
Сонда жыл қорытындысымен ауыз сумен жабдықтау көрсеткіші қалаларда 98,8 пайыз, ауылдық елді мекендерде 98,1 пайызға жеткізілмек.
Бүгінгі күні 4 елді мекенде құрылыс жұмыстары аяқталып, 10 елді мекенге кешенді блок-модульдері орнатылды. Осыдан кейін 327 ауылдық елді мекен ауыз сумен қамтылып, 96,7 пайызды құрады.
Сондай-ақ, қалып отырған Қордай ауданындағы Алға ауылы бойынша ЖСҚ әзірлеу жұмыстары аяқталуға жақын, жоспарға сәйкес жыл соңына дейін сараптама қорытындысы алынып комитетке өтінім ұсынылатын болады.
Жалпы алғанда өңірдегі елді мекендерді толық ауыз сумен қамтудың жол картасы әзірленіп, 2025 жылы ауыл және қала тұрғындарын 100 пайыз ауыз сумен қамту көзделіп отыр.
Фото: www.gov.kz
