Тараз қаласының әкімі Бақытжан Орынбековтың айтуына қарағанда бұдан бөлек, жалпы құны 34,7 млрд. теңгені құрайтын 5 инвестициялық жобаны іске асыру жоспарлануда, жобалар іске асырылғанда 944 жаңа жұмыс орындары ашылады.
Оның ішінде «Kisc» ЖШС-нің «Металл құю цехын жаңғырту» жобасы. Жобаның құны – 1 млрд 870,0 млн. теңге, бүгінгі күні металл құю қуаттылығы 3,5 мың тоннаға дейін болса, модернизациядан кейін қуаттылығын жылына 24,0 мың тоннаға жеткізу көзделіп отыр, ашылатын жұмыс орындары 150 бірлік.
Одан кейін «СП-Тараз PET» ЖШС- «Полиэтилентерефталат рециклингу бойынша зауыт салу» жобасы. Жоба құны – 3 млрд. 860,0 млн. теңге. Жобаның қуаттылығы 6,0 мың тонна, ашылатын жаңа жұмыс орындары – 64 бірлік.
«Alima Delux» ЖШС-ның «Тұрмыстық техника зауыты» жобасы (газ плита өндірісі). Жоба құны – 15 млрд. теңге. Жобаның қуаттылығы жылына 100 мың дана газ плита шығару, ашылатын жаңа жұмыс орындары – 500 бірлік. Жобаны іске асыру үшін өндірістік аймақтан 11 га жер телімі берілді. Қаржылық мәселелері шешілгеннен кейін инвестициялық жобаны іске асыру күтілуде.
«South Holiday» ЖШС — Зербұлақ демалыс орталығы ІІ кезең. Жоба құны 2 млрд. теңге. Жаңа жұмыс орындары 170 бірлік (маусымдық). 2024 жылдың ІІІ тоқсанында іске асыру жоспарлануда.
Және «ОРЦ Тараз» ЖШС көкөніс қоймасы ІІ кезең. Жоба құны 12 млрд. теңге. Ашылатын жаңа жұмыс орындары 60 бірлік. 2024 жылдың ІV тоқсанында іске қосылады.
Сондай-ақ Тараз қаласының жаңа Бас жоспарына сәйкес, қаланың батыс бөлігінен Шөлдала алқабына барар жолда 1150 гектар жер өндірістің әлеуетін көтеру үшін индустриалдық аймаққа беріледі.
Қазіргі таңда жалпы құны 47,6 млрд. теңгені құрайтын
3 инвестициялық жобалармен келіссөздер жүргізілуде.
Фото: Егемен Қазақстан
