Сенатор соңғы екі жылда ауыл шаруашылығы саласына бөлінген субсидия көлемі 929 миллиард теңгеден асқанымен, бұл салада нақты серпіліс болмағанын атап өтті. Ауыл шаруашылығының экономикадағы үлесі 5%-дан аспай отыр, агроөнеркәсіп өнімдерінің экспорты құлдырап барады. Соңғы 10 жылда астық және майлы дақылдарды экспорттау 63 елден 44 елге қысқарды, бұл өткір мәселе болып отыр. 2018 жылы Қазақстан 10 миллион тоннадан астам өсімдік шаруашылығы өнімдерін экспорттаса, бүгінгі таңда бұл көлем 4 миллион тоннаға дейін азайды. Депутат шикізатты экспорттау саясаты қайта қарауды қажет ететінін атап өтті. Экспорттық баж салығы енгізілгенімен, күнбағыс тұқымының қомақты көлемі ішкі өңдеуге жіберудің орнына шетелге экспортталуы жалғасуда.
Сенатор сондай-ақ соңғы үш жылда күнбағыс егіс көлемі 40 пайызға ұлғайып, жалпы өнім көлемі 1 миллион тоннадан асқанын, зауыттардың өңдеу қуаты 3,3 миллион тоннаны құрағанын айтты. Қазақстанның ішкі және сыртқы нарықта, әсіресе қолайсыз климаттық жағдайға байланысты майлы дақылдардың тапшылығы өндірісті шектеп отырған Орталық Азияда әлеуеті зор.
«Қазіргі уақытта кереғар жағдай байқалады: республикада шикізат жеткілікті мөлшерде өндіріледі, оны өңдейтін қуат та бар, бірақ зауыттардың жүктемесі 32 пайызды ғана құрайды. Майлы дақылдардан қайта өңделген өнім өндіру көлемін барынша өсуін қамтамасыз ететін қорғау шаралары қажет. Оған қоса, майлы дақылдар саласының дамуын тежейтін, зардап келтіретін логистикамен проблемар кедергі келтіреді, теміржол инфрақұрылымының тозуы, жабық вагондардың, цистерналардың жетіспеушілігі тағы бар», — деді Сұлтан Дүйсембинов.
Фото: BAQ.KZ
