Сонымен қатар ҚР Ішкі істер министрлігінің «Сұңқар», Ұлттық ұланның «Бүркіт» күш-құралдары және ҚР Қорғаныс министрлігінің ұшқышсыз ұшатын аппараттары аталған іс-шараға тартылды.
1 маусым мен 30 қазан аралығында Шу алқабынан қарасора тасымалданатын 6 арнаның жолы кесілді. Басқа облыстардың полиция департаменттерімен бірлесе отырып, Шу алқабынан Астана және Ақтау қалаларына 80 келіден астам «марихуана» және 4 келі «гашиш» тасымалдайтын каналдың жолы кесілді.
Сондай-ақ полицейлер Алматы қаласынан облысымызға «синтетика» тасымалдайтын 2 ірі арнаны жауып, 2 келіден астам «синтетика» есірткісін тәркіледі.
— Барлығы 203 есірткі қылмысы анықталды, оның ішінде 12 контрабанда және 12 есірткі өсімдігін өсіру деректері. Заңсыз айналымнан 5 тонна 868 келі 773 гр әртүрлі есірткі құралдары, соның ішінде 2 келі 049 гр синтетикалық заттар, 5 гр 48 мгр «героин» тәркіленді.
Сондай-ақ, 1000 тоннадан астам жабайы өскен қарасора жерді жырту, шабу және өртеу арқылы жойылды, бұл өткен жылмен салыстырғанда 780 тоннаға көбірек.
Жедел мәліметтерге сәйкес, «қара нарықта» 1 келі «марихуананың» бағасы 70 000 теңгені құрайды. Осылайша, 70 миллиард теңгеден астам қаражат «көлеңкелі» есірткі айналымына түспеді, — деп хабарлады ПД Есірткі қылмысына қарсы іс-қимыл басқармасы бастығының міндетін атқарушы Асқар Жұмабеков.
Есірткі бизнесімен күрес бірнеше басқа бағыттар бойынша да жүргізілуде: алдын алу, ақпараттық кеңістікті мониторингілеу, дилерлермен байланысу ресурстарын көрсететін қабырғалардағы граффити жазбаларды жою.
848 профилактикалық іс-шараға 24 мыңнан астам оқушы қатысты.
«NarcoShekteuTaraz» Telegram-боты Полиция департаментінің базасында синтетикалық есірткілерді сақтау орындары (жасырын орындар), граффити жазбалар, облыс тұрғындарының жарнамалық белгілері бар аккаунттар туралы хабарламалар мен сұраныстар туралы мәліметтер жинақталады.
2024 жылдың 10 айында «Narko Shekteu Taraz» Telegram ботына 2 047 сұраныс келіп түсті, оның 1 746-сы интернет-сайттардан (1 670-і бұғатталған), 289-ы граффити жарнамасы бойынша, барлық жазбалар жойылды.
Фото: Naryk.kz
