Нұркен Мәзбаев «Тараз» футбол клубының бас бапкері қызметіне тағайындалды

Қазақстандық маман Нұркен Мәзбаев «Тараз» футбол клубының бас бапкері қызметіне тағайындалды, деп хабарлайды ҚазАқпарат.

Бұл туралы команданың әлеуметтік желідегі ресми парақшасы арқылы мәлімдеді. Н.Мазбаев 1972 жылдың 7 сәуірінде дүниеге келген. Футболшылық мансабында «Тараз», «Қайсар», «Синтез», «Жеңіс», «Достық», «Қайрат», «Тобыл» және «Ордабасы» командаларында доп тепті. 2008 жылдан бері бапкерлік қызметте «Тараз», «Оқжетпес» командалары және Қазақстан ұлттық құрамасында бапкерлер құрамында болды. 2018 жылы «Таразда» бас бапкер болса, 2019 жылдан бері «Астанада» спорттық директор қызметін атқарды. Еске салсақ, бұдан бұрын «Тұран» командасына бас бапкер тағайындалғанын хабарлаған едік.

 

Leave A Reply

Your email address will not be published.