Cпортты дамыту дирекциясының Instagram арқылы таратқан ақпараттарға қарағанда 80 келіге дейінгі салмақта сынға түскен Батырхан Төлеуғали турнирдегі алғашқы жекпе-жегінде Акшай Худаны (Үндістан) 2:0 есебімен ұтты. Енді Батырхан жартылай финалда Сауд Арабиясының таэквондошысы Әли Мабрук әл-Мабрукпен Париж Олимпиадасының лицензиясын сарапқа салады.
17 жастағы Батырхан Төлеуғали – жастар арасындағы әлем чемпионатының қола жүлдегері (2022), ҚР VI жазғы Спартакиадасының жеңімпазы.
Спортты дамыту дирекциясының мәліметінше, Қытайдағы лицензиялық турнирде Қазақстан намысын Батырханнан бөлек Самирхон Абабакиров (58 кг), Мария Севостьянова (57 келі), Жансель Дениз (+67 келі) қорғайды. Олар ертең, 16 наурызда жарыс жолына шығады.
