WhatsApp қолданушылары арасында Helios жанармай құю бекеттерінен 150 литр бензинді тегін алуға болатын сілтеме таралды. Жанармай құю бекеті желісінің өкілдері акция туралы ақпаратты жоққа шығарды, — деп хабарлады Stop Fake.
Портал мәліметіне сүйенсек, Helios-тің ресми сайтында да, Instagram-дағы ресми парақшасында да 150 литр бензинді тегін алуға болатын акция туралы хабарландырулар жоқ.
Бұл ақпаратты жанармай құю бекетінің ресми өкілдері де жоққа шығарды.
«Бұл жалған ақпарат. Хабарлама тарап жатқаны туралы мәлімет түсті. Оны дереу жоққа шығардық», — делінген жанармай құю желісі өкілдерінің жауабында.
Портал тілшілері осындай «сауалнамалар» көмегімен желі пайдаланушысының жеке деректері ұрланатынын еске салады. Ол — фишинг деп аталады.
