«Бірақ бұл тек белгілі болған деректер ғана, ал шынайы жағдай әлдеқайда күрделі болуы мүмкін» дейді премьер-министрге ЖСДП депутаттарының атынан сауал жолдаған Нұрлан Әуесбаев.
Мысал келтірер болсақ, 2024 жылдың қаңтар айының соңында Абай облысында үш жұмысшы улану салдарынан қаза тапты;
2024 жылдың мамырында Алматыда тағы да екі бірдей сантехник газдан уланып көз жұмды;
2024 жылдың шілдесінде Арыс қаласындағы әскери бөлімде бір әскери қызметкер мен бейбіт екі азамат оқыс оқиға салдарынан қаза болды;
2024 жылдың қыркүйегінде Павлодар облысында төрт адам белгісіз газдан уланды;
2024 жылдың тамызында Ақтөбе облысында екі коммуналдық қызметкер метан газынан уланып мерт болды.
Сондықтан депутат қауіпсіздік талаптарының сақталуын тексеру, кәріз жүйелері мен өзге де сантехникалық бағыттағы құдықтарды пайдаланатын заңды тұлғаларға өңірлік талдау жүргізу, олардың еңбек қауіпсіздігі нормаларын сақтауы мен жеке қорғаныс құралдары мен газдарды мәжбүрлі түрде шығару жабдықтарының болуын тексеру қажет екенін айтады.
Фото: Inbusiness.kz
