Жоба шеңберінде бюджеттен бөлінген «Тараз» ӘКК» АҚ-ының 135 000,0 мың теңге қаражаттың 70 803,6 мың теңгесіне 7 позиция (жабдықты) сатып алуға және 64 196,4 мың теңгесіне кросс-докинг соғуға бағытталған. Іс жүзінде жоба бойынша қаржылық модельде көзделген құнға сәйкес 132 323,5 мың теңгеге жабдықтар сатып алынған және кросс-докинг соғылған.
Алайда құрылыс-монтаждау жұмыстары 2019 жылы аяқталса да бүгінгі күнге дейін пайдаланылмай отыр.
Нәтижесінде 135 млн теңге бюджет қаражаты тиімсіз жұмсалған.
Естеріңізге сала кетейік, Жамбыл облысы бойынша Тексеру комиссиясы «Тараз» әлеуметтік-кәсіпкерлік корпорациясы» АҚ-ның 2022-2023 жылдардағы жұмысына тексеру жұмыстарын жүргізді. Жамбыл облыстық мәслихатының тұрақты комиссиясы азық-түлік тауарларының өңірлік тұрақтандыруға, жарғылық капиталды ұлғайтуға және кәсіпкерлікті дамытуға жәрдемдесу үшін бағытталған кредиттер мен бюджет қаражатының, сонымен қатар активтердің тиімді пайдалануына жүргізілген мемлекеттік аудит нәтижесін қарап, Жамбыл облысы бойынша Тексеру комиссиясының мүшесі мен «Тараз» ӘКК» АҚ-ның басшылары осы бағытта атқарылған жұмыстарды баяндады.
Фото: Kazakh Tenge
